《Sanghabhedavastu》
CBETA GRETIL-vinv172u
fol. 513ff. first ed. in MSV IV 213ff. (SBV II 1) uddānam: kauṇḍinyo nandīpālaś ca modakā udakaṃ pibet / pūpako madhuvāsiṣṭho vinayāgraṃ gaṇitena ca // karakaḥ kalabhuś caiva viśvabhug vanarathena ca / chatraṃ kītaśirāmaitrī tathā ghaṇṭena ghoṣitā // yadā āyuṣmatā kauṇḍinyena sarvakleśaprahāṇād arhatvaṃ sākṣātkṛtam <iti> bhagavatā saṅghāṭīdhvajadhāriṇām agro nirdiṣṭaḥ, tadā bhikṣavaḥ saṃśayajātāḥ sarvasaṃśayacchettāraṃ buddhaṃ bhagavantaṃ papracchuḥ: kiṃ bhadanta āyuṣmatā kauṇḍinyena karma kṛtam yena bhagavatā saṅghāṭīdhvajadhāriṇām agro nirdiṣṭaḥ? bhagavān āha: kauṇḍinyena bhikṣuṇā karmāṇi kṛtāny upacitāni labdhasaṃbhārāṇi pariṇatapratyayāny oghavat pratyupasthitāny avaśyabhāvīni; kauṇḍinyenaiva karmāṇi kṛtāny upacitāni ko 'nyaḥ pratyanubhaviṣyati? na bhikṣavaḥ karmāṇi kṛtāny upacitāni bāhye pṛthivīdhātau vipacyante, nābdhātau, na tejodhātau, na vāyudhātau; (SBV II 2) api tūpātteṣv eva skandhadhātvāyataneṣu karmāṇi kṛtāni vipacyante śubhāny aśubhāni ca; &n…
阅读全文 » · 浏览全部佛典