《Civaravastu of the Vinayavastvagama of the Mulasarvastivadin》
CBETA GRETIL-vinv07_u
Cīvaravastu (MSV II 3 )(239v8 = GBM 6.791.8) cīvaravastuni piṇḍoddānam* / jīvako bhāṅgakaś caiva tathā dīrghadaśāni ca / varṣāchinnaś ca vijñeyaḥ kālakriyā upanando glāno bhavati paścimaḥ // piṇḍoddānam* / jīvakaś chinnakās trīṇi varṣāśāṭī niṣīdanam* / kaṇḍusugatakauśeyā ūrṇāśāṇakakṣaumakāḥ // uddānam* / khaṇḍo gopaś ca siṃhaś ca vaiśālīgamanaṃ tathā / celā ṛṣikopaś ca āmrapālyabhayena ca // śreṣṭhībhāryā jīvakotpattiḥ vaidyakasya ca āgamaḥ / takṣaśilā bhadraṅkara udumbaraḥ kārṣamāpakaḥ // rohitakaḥ rājodyānaṃ mathurā mallastriyāhi ca / yamunā śivapathikā vaiśālyām akṣi śatapadī sapta / rājagṛhe paṃcavastūni jīvakavargaḥ samudditaḥ // videheṣu videharājo (240r1 = GBM 6.792) rājyaṃ kārayati ṛddhaṃ ca sphītaṃ ca kṣemaṃ ca subhikṣaṃ cākīrṇabahujanamanuṣyaṃ ca / tasya khaṇḍapramukhāni paṃcāmātyaśatāni / khaṇḍo 'grāmātyo dharmeṇa rājyaṃ kārayati nyāyataś ca vyavahārān paśyati yataḥ sarva eva janakāyas tanmukho 'vasthitaḥ / tena sadṛśāt kulāt kalatram ānītam* / sa tayā sārdhaṃ krīḍati (MSV II 4) ramate paricārayati / tasya krīḍato ramamāṇasya paricārayataḥ putro jātaḥ / tasya trīṇi saptakāny ekaviṃśati divasān pūrvavad yāvad gopa iti nāmadheyaṃ vyavasthāpitam* / bhūyo 'py asya krīḍato r…
阅读全文 » · 浏览全部佛典