《Carmavastu of the Vinayavstvagama of the Mulasarvastivadin》
CBETA GRETIL-vinv05_u
Carmavastu (80v6 = GBM 6.742; MSV IV 159) uddānam / pañcabhir upasaṃpadā śayanāsana + + + / + + + + + + + + + // buddho {Cf. Divy 1-24} bhagavāñ chrāvastyāṃ viharati sma jetavane 'nāthapiṇḍadasyārāme / tasmin samaye 'śmakanagarāntake vāsavagrāmake balaseno nāma gṛhapatiḥ prativasaty āḍhyo mahādhano mahābhoge vistīrṇaviśālaparigraho vaiśravaṇadhanapratispardhī / tena sadṛśāt kulāt kalatram ānītam* / sa tayā sārdhaṃ krīḍati ramate paricārayati / tasya krīḍato ramamāṇasya paricārayato na putro na duhitā / so 'putraḥ putrābhinandī śivavaruṇakuberaśakrabrahmādīn āyācate / ārāmadevatāṃ vanadevatāṃ śṛṅgāṭakadevatāṃ balipratigrāhikāṃ devatāṃ sahajāṃ sahadharmikāṃ nityānubaddhām api devatām āyācate / asti caiṣa lokapravādo yadāyācanahetoḥ putrā jāyante duhitaraś ceti / tac ca naivam* / yady evam abhaviṣyad ekaikasya putrasahasram abhaviṣyat tadyathā rājñaś cakravartinaḥ / api tu trayāṇāṃ sthānānāṃ saṃmukhībhāvāt putrā jāyante duhitaraś ca / katameṣāṃ trayāṇām* / mātāpitarau raktau bhavataḥ saṃnipatitau (81r = GBM 6.744) mātā kalyā bhavati ṛtumatī gandharvaś ca pratyupasthito bhavati / eṣāṃ trayāṇāṃ sthānānāṃ saṃmukhībhāvāt putrā jāyante duhitaraś ca / sa caivam āyācanaparas tiṣṭhati / anya…
阅读全文 » · 浏览全部佛典