《Vajracchedika Prajnaparamita》
CBETA GRETIL-vchedppu
Vaj 1; folio 26r1-v4 (Cz 27.1-1) namo śākyamunaye tathāgatāyārhate samyaksaṃbuddhāya / // evaṃ mayā śrutam ekasmin samaye bhagavān / śrāvastyāṃ viharati sma / jetavane / anāthapiṇḍadasyārāme mahatā bhikṣusaṃghena sārdham ardhatrayodaśabhir bhikṣuśataiḥ / atha khalu bhagavān pūrvāhṇakālasamaye nivāsya pātracīvaram ādāya / śrāvastīṃ mahānagarīṃ piṇḍāya prāviśat / atha khalu bhagavān / śrāvastīṃ mahānagarīṃ piṇḍāya caritvā paścādbhaktapiṇḍapātapratikrāntaḥ pādau prakṣālya nyaṣīdad bhagavān / prajñapta evāsane paryaṃkam ābhujya ṛjuṃ kāyaṃ praṇidhāya pratimukhaṃ smṛtim upasthāpya / atha saṃbahulā bhikṣavaḥ yena bhagavāṃs tenopasaṃkkraman upasaṃkkramya bhagavataḥ pādau śirasābhivandya bhagavaṃtaṃ tṛḥpradakṣiṇīkṛtvā ekāṃte nyaṣīdan / Vaj 2; folio 26v4-27v6 (Cz 27.16-28.17; P 179.14-24) tena khalu punaḥ samayenāyuṣmān subhūtiḥ tasyām eva pariṣadi sannipatito 'bhūt sanniṣaṇṇaḥ / atha khalv āyuṣmān subhūtir utthāyāsanād ekāṃsam uttarāsaṃgaṃ kṛtvā dakṣiṇaṃ jānumaṇḍalaṃ pṛthivyāṃ pratiṣṭhāpya yena bhagavāṃs tenāṃjaliṃ praṇāmya bhagavaṃtam etad avocat / āścaryaṃ bhagavan yāvad eva tathāgatenārhatā samyaksaṃbuddhena bodhisatvā mahāsatvā anuparigṛhītāḥ parameṇānugraheṇa / yāvad eva tathāgatena b…
阅读全文 » · 浏览全部佛典