《Satasahasrika Prajnaparamita II-3》
CBETA GRETIL-sspp2_3u
atha khalu teṣāṃ devaputrāṇām etad abhūt: kīdṛgrūpāḥ subhūteḥ sthavirasya dhārmaśravaṇikā eṣṭavyāḥ? athāyuṣmān subhūtis teṣāṃ devaputrāṇāṃ cetasaiva cetaḥparivitarkam ājñāya tān devaputrān etad avocat: māyopamā me devaputrā dharmadeśanā māyopamā me devaputrā dhārmaśravaṇikā eṣṭavyāḥ. nirmitopamā me devaputrā dharmadeśanā nirmitopamā me devaputrā dhārmaśravaṇikā eṣṭavyāḥ. te naiva kiṃcic chroṣyanti na sākṣātkariṣyanti. atha khalu devaputrā āyuṣmantaṃ subhūtim etad avocan: kiṃ punar bhadanta subhūte māyopamās te sattvā māyopamās te dhārmaśravaṇikā, nirmitopamās te sattvā nirmitopamās te dhārmaśravaṇikāḥ. subhūtir āha: evam etad devaputrā evam etad, māyopamās te sattvā māyopamās te dhārmaśravaṇikā, nirmitopamās te sattvā nirmitopamās te dhārmaśravaṇikāḥ. svapnopamās te devaputrāḥ sattvāḥ, māyopamās te devaputrāḥ sattvāḥ. rūpam api devaputrāḥ svapnopamaṃ māyopamaṃ, vedanāpi devaputrāḥ svapnopamā māyopamā, saṃjñāpi devaputrāḥ svapnopamā māyopamā, saṃskārā api devaputrāḥ svapnopamā māyopamāḥ, vijñānam api devaputrāḥ svapnopamaṃ māyopamam. cakṣur api svapnopamaṃ māyopamaṃ, śrotram api svapnopamaṃ māyopamaṃ, ghrāṇam api svapnopamaṃ māyopamaṃ, jihvāpi svapnopamā māyopamā, kāyo 'pi svapnopa…
阅读全文 » · 浏览全部佛典