《Satasahasrika Prajnaparamita II-1》
CBETA GRETIL-sspp2_1u
Śatasāhasrikā Prajñaparamitā (ŚsP_II-1_1) oṃ namaḥ sarvabuddhabodhisattvebhyaḥ. pṛthivīdhātvasattayāyuṣmañ chāradvatīputra pūrvāntato bodhisattvo nopaiti, pṛthivīdhātuśūnyatayā pūrvāntato bodhisattvo nopaiti, pṛthivīdhātuviviktatayā pūrvāntato bodhisattvo nopaiti, pṛthivīdhātvasvabhāvatayā pūrvāntato bodhisattvo nopaiti, pṛthivīdhātvasattayāparāntato bodhisattvo nopaiti, pṛthivīdhātuśūnyatayāparāntato bodhisattvo nopaiti, pṛthivīdhātuviviktatayāparāntato bodhisattvo nopaiti, pṛthivīdhātvasvabhāvatayāparāntato bodhisattvo nopaiti, pṛthivīdhātvasattayā madhyato bodhisattvo nopaiti, pṛthivīdhātuśūnyatayā madhyato bodhisattvo nopaiti, pṛthivīdhātuviviktatayā madhyato bodhisattvo nopaiti, pṛthivīdhātvasvabhāvatayā madhyato bodhisattvo nopaiti. tat kasya hetoḥ? na hy āyuṣmañ chāradvatīputra pṛthivīdhātvasattāyāṃ pṛthivīdhātuśūnyatāyāṃ pṛthivīdhātuviviktatāyāṃ pṛthivīdhātvasvabhāvatāyāṃ pūrvānta upalabhyate nāparānta upalabhyate na madhyam upalabhyate. na cānyā pṛthivīdhātvasattānyā pṛthivīdhātuśūnyatānyā pṛthivīdhātuviviktatānyā pṛthivīdhātvasvabhāvatānyo bodhisattvo 'nyaḥ pūrvānto 'nyo 'parānto 'nyan madhyam iti hy āyuṣmañ chāradvatīputra yā ca pṛthivīdhātvasattā yā ca pṛthivīdhātuśūny…
阅读全文 » · 浏览全部佛典