《Mekhala-Dharani》
CBETA GRETIL-mekhdh_u
(MDh_114v2) namaḥ sarvabuddhabodhisatvebhyaḥ evaṃ mayā śrutam ekasmiṃ samaye bhagavāṃ cchākyeṣu viharati sma / kapilavastu nyagrodhārāme / tena khalu punaḥ samayena rāhulaḥ kumāra śayanatalagato 'nyatarānyatarāyā rākṣasyā utrāsito 'bhūt* atha rāhulaḥ kumāras tasya rātryā atyayena bahulaiḥ kumārakaiḥ parivṛtaḥ puraskṛtaḥ kapilavastuto 'bhiniṣkramya yena bhagavāṃs tenopasaṃkrāmad upasaṃkramya bhagavataḥ pādayo śirasā vanditvā bhagavataḥ purataḥ sthita rodati / tatra bhagavān āyuṣmantam ānandam āmantrayāmāsa : udgṛhṇa tvam ānanda rāhulasya kumārasya pratisaṃrakṣaṇīyāṃ mekhalā nāma vidyā vyākhyāsyāmaḥ śṛṇvantu me devagaṇā nāgagaṇā rākṣasagaṇā (MDh_115r1) asuragaṇā garuḍagaṇā gandharvagaṇā kinnaragaṇā piśācagaṇā kuṃbhāṇḍagaṇā pūtanagaṇā grahagaṇā nakṣatragaṇā aṣṭāviṃsati mahāyakṣasenāpati / catvāro mahārājānaḥ kṛmayo vītarāgaḥ himavaṃtanivāsino daśa dik* ye bhūtāḥ prativasaṃti rākṣasīgaṇāḥ pākiḍi / laṃbodari / kīṭakarṇa / sumanā ca / mahāratiḥ mātṛgaṇāś ca ye samudrakalpasya rakṣakaḥ purasmiṃ diśābhāge hari nāma rākṣasī : dakṣaṇasmiṃ diśābhāge goṇāsi nāma rākṣasī paścimasmiṃ diśābhāge kesari nāma rākṣasī / uttarasmiṃ diśābhāge mahācūḍā nāma rākṣasī ity etā rākṣasī ghori ekaikaḥ ṣaṣṭiko…
阅读全文 » · 浏览全部佛典