《Kamalasila: Vajracchedikatika》
CBETA GRETIL-kamvchtu
(Vajraṭ_95) ācāryakamalaśīlaviracitayā āryaprajñāpāramitāyā vajracchedikāyā vistṛtaṭīkayā sahitam namo mañcuśriye kumārabhūtāya maṅgalācaraṇam kāyaḥ prasiddhaḥ paridṛśyamāno janeṣu sarveṣu sphuṭaṃ tathāpi | svabhāvato vastutayā na prāpto nidarśitaḥ so 'pi ca prāptihetuḥ || phalasya śreṣṭhasya ca nityabhūtaparamasya cāgryasya jinaiḥ samastaiḥ | ataśya traiyadhvikasarvabuddhaprasūṃ namasyāmyaniśaṃ hṛdā tām || 1 || (Vajraṭ_96) alpīyasābhyāsabalena yasyāḥ, mahānti puṇyāni hi sañcinoti | utkhātamūlāni ca pāpakāni, sarvāṇi cāpādayati kṣaṇena || ataśca tasyāścirabhāvanārthaṃ, mārgaṃ pravakṣye svabalānurūpam | gurūpadiṣṭaṃ suparīkṣitaṃ ca matiṃ svakīyāmanuvartayitvā || 2 || tatrādau sūtraṃ vyācikhyāsuḥ sādhyavasāya (viṣaya-) grahaṇādau śrotṝṇāmavatāraṇārthaṃ prayojanamāha | na hi prayojanamantareṇa prekṣāvān kvacit pravartate | tadanantaraṃ prayojanopāyamupadarśayitumabhidheyastāvad vakṣyate, (yato hi) abhidheyarahitaṃ sūtraṃ daśadāḍimānītyādivākyavanneṣṭaprayojanaṃ sādhayati | tataḥ saukaryeṇa tadabhidheyagrahaṇārthaṃ piṇḍārtho vakṣyate | tadanantaraṃ samāsārthapratipattaye padārtho 'bhidhāsyate | tataḥ kramasyāvirodhaṃ nidarśayituṃ padānāmanusandhirdarśayiṣyate | tadanantaraṃ pūrvāparay…
阅读全文 » · 浏览全部佛典