《Jayaraksita: Sphutartha Srighanacarasamgrahatika》
CBETA GRETIL-jsphustu
The transliteration emulates the conventions of Nagari script. Therefore, many word boundaries are not marked by blanks. sphuṭārthā śrīghanācārasaṃgrahaṭīkā | namo buddhāya || prahīṇaniḥśeṣamalān jitārīn jñeyodadheḥ pāragatān kṛpālūn | saddharmasacchiṣyagaṇān samastān namāmi buddhān bahuśaḥ kṛtāñjaliḥ || dānāmbusekaparivṛddhasuśīlamūlaṃ maitrīkṛpā + + + pallavajātaśobhaṃ | bodhyaṅgamārgaphalitaṃ hi jinālijuṣṭaṃ mañjuśriyaṃ ca śubhakalpataruṃ namāmi || ācārasaṃgrahasyāsya smṛtaye mandamedhasāṃ vistīrṇasūtrasaṃkṣepāt kriyate 'yaṃ viniścayaḥ || tatra prāyeṇa hi santo gurviṣṭadevatāṃ pūjayitvā kriyāyāṃ pravartante puṇyaprasavārtha, tato vighnopaśamanārthaṃ maṅgalārthañceti | ahamapi ca sadācāro 'yamiti kṛtvā śrīghanā cārasaṃgrahārambhe svadevatānamaskāraṃ kartuṃ pravṛtta iti darśayannāha | prahīṇāśeṣasaṃkleśa iti vistaraḥ | tatra trividhaḥ saṃkleśaḥ- kleśasaṃkleśaḥ karmasaṃkleśaḥ janmasaṃkleśaśca | kliśyanti kāyavākcittāni iti kleśāḥ | te ca rāgādikamaṣṭottaraśataṃ | aṣṭānavatiranuśayāḥ | daśa paryavasthānāni | kleśa eva (SŚ 2) saṃkleśaḥ kleśasaṃkleśaḥ kleśasvabhāvatvāt kleśasaṃkleśahetutvācca kleśasaṃkleśa ityuccate | kasya kleśasaṃkleśahetutvāditi cet karmasaṃkleśasyeti brūmaḥ | yat…
阅读全文 » · 浏览全部佛典