《Samghatasutra》
CBETA GRETIL-bsu045_u
Ārya Saṃghāṭa Sūtra svastiḥ namaḥ sarvabuddhabodhisattvebhyaḥ // [SaSū 1] evaṃ mayā śrutamekasmin samaye bhagavān rājagṛhe viharati sma / gṛddhrakūṭe parvate mahatā bhikṣusaṃghena / sārdhaṃ [SaSū 2] dvāviṃśatibhirbhikṣusahasraiḥ tadyathā āyuṣmatā cājñātakauṇḍinyena / āyuṣmatā ca mahāmaudgalyāyena / āyuṣmatā ca śāradvatīputreṇa / āyuṣmatā ca mahākāśyapena / āyuṣmatā ca rāhulena / āyuṣmatā ca bakkulena / āyuṣmatā ca bhadravāsena / āyuṣmatā ca bhadraśriyā / āyuṣmatā ca nandaśriyā / āyuṣmatā ca jāṅgulena / āyuṣmatā ca subhūtinā / āyuṣmatā ca revatena / āyuṣmatā ca nandasenena / āyuṣmatā cānandena / evaṃpramukhairdvāviṃśatibhirbhikṣusahasraiḥ / [SaSū 3] dvāṣaṣṭibhiśca bodhisattvasahasraiḥ tadyathā maitreyeṇa ca bodhisattvena mahāsattvena / sarvaśūreṇa ca bodhisattvena mahāsattvena / kumāraśriyā ca bodhisattvena mahāsattvena / kumāravāsinā ca bodhisattvena mahāsattvena / kumārabhadreṇa ca bodhisattvena mahāsattvena / anūnena ca (nāma) bodhisattvena mahāsattvena / maṃjuśriyā ca kumārabhūtena bodhisattvena mahāsattvena / samantabhadrena ca bodhisattvena mahāsattvena / sudarśanena ca bodhisattvena mahāsattvena / bhaiṣajyarājena ca bodhisattvena mahāsattvena / (vajrasenena ca bodhisattvena…
阅读全文 » · 浏览全部佛典