《Ahoratravratakatha (Prose version)》
CBETA GRETIL-ahovk2_u
Ahorātravratakathā Avk_P_1. oṃ namo dharmadhātave / ākāśanirmalo bhūto niṣprapañcaguṇāśrayaḥ / pañcaskandhātmakaḥ śāntas tasmai stūpātmane namaḥ // 1 // ekasminn antare kāle bhagavān kapilavastuni mahānagare viharati sma sārdhaṃ pañcamātrair bhikṣuśataiḥ saṃbahulaiś ca kṛtakṛtyair jitendriyaiḥ kṣīṇāsravair anyaiś ca bodhisattvaśataiḥ ṣaṭpāramitānirjātaiḥ pañcacakṣusamanvāgatair anekaiḥ śrāvakamukhyair anuttarapuṇyakṣetre nivāsitair buddhaśāsanaratibhir anekair devanāgayakṣādibhiḥ parimaṇḍitaiḥ sapārṣadaparipūrṇaiḥ / Avk_P_2. tatsabhāyāṃ subhūtir vajradharam evam āha / vajradhara śrīmān muniśārdūlas tatsabhāyām anekadevanāgayakṣādisaṃmilite naikagiram ājñāṃ nāvabhāṣitaṃ kim / kimabhilāṣo bhavasi subhūte yathābhiprāyas tathā vijñāpaya śākyamunau / subhūtir āha / narāṇām uttamaṃ vrataṃ yad ahorātravrataṃ vratarājaṃ mahodayaṃ mamābhilāṣaḥ / ity ukte mahānumataṃ sādaraṃ kṛtvā vajradharo bhagavantam evam āha / bhagavan muniśārdūla giram ekam api nāvabhāṣitam / sarvasabhājanānām abhilaṣitaṃ subhūtir iti vratarājaṃ mahodayaṃ yad ahorātravratopāyikām abhilāṣiko 'ham ity āha / tat sakalaṃ prabhāṣaya tvaṃ munīśvara / Avk_P_3. bhagavān āha / sādhu sādhu vajradhara lokānāṃ hitahetunā pṛcchitaṃ…
阅读全文 » · 浏览全部佛典