《Rajjumala’s Mansion》
CBETA SC-vv50
Vimānavatthu Itthivimāna Mañjiṭṭhakavagga 12. Rajjumālāvimānavatthu “Abhikkantena vaṇṇena, yā tvaṁ tiṭṭhasi devate; Hatthapāde ca viggayha, naccasi suppavādite. Tassā te naccamānāya, aṅgamaṅgehi sabbaso; Dibbā saddā niccharanti, savanīyā manoramā. Tassā te naccamānāya, aṅgamaṅgehi sabbaso; Dibbā gandhā pavāyanti, sucigandhā manoramā. Vivattamānā kāyena, yā veṇīsu piḷandhanā; Tesaṁ suyyati nigghoso, tūriye pañcaṅgike yathā. Vaṭaṁsakā vātadhutā, vātena sampakampitā; Tesaṁ suyyati nigghoso, tūriye pañcaṅgike yathā. Yāpi te sirasmiṁ mālā, sucigandhā manoramā; Vāti gandho disā sabbā, rukkho mañjūsako yathā. Ghāyase taṁ sucigandhaṁ, rūpaṁ passasi amānusaṁ; Devate pucchitācikkha, kissa kammassidaṁ phalan”ti. “Dāsī ahaṁ pure āsiṁ, gayāyaṁ brāhmaṇassahaṁ; Appapuññā alakkhikā, rajjumālāti maṁ viduṁ. Akkosānaṁ vadhānañca, tajjanāya ca uggatā; Kuṭaṁ gahetvā nikkhamma, agañchiṁ udahāriyā. Vipathe kuṭaṁ nikkhipitvā, vanasaṇḍaṁ upāgamiṁ; Idhevāhaṁ marissāmi, ko attho jīvitena me. Daḷhaṁ pāsaṁ karitvāna, āsumbhitvāna pādape; Tato disā vilokesiṁ, ‘ko nu kho vanamassito’. Tatthaddasāsiṁ sambuddhaṁ, sabbalokahitaṁ muniṁ; Nisinnaṁ rukkhamūlasmiṁ, jhāyantaṁ akutobhayaṁ. Tassā me ahu saṁvego, abbhuto l…
阅读全文 » · 浏览全部佛典