《Servant Girl’s Mansion》
CBETA SC-vv18
Vimānavatthu Itthivimāna Cittalatāvagga 1. Dāsivimānavatthu “Api sakkova devindo, ramme cittalatāvane; Samantā anupariyāsi, nārīgaṇapurakkhatā; Obhāsentī disā sabbā, osadhī viya tārakā. Kena tetādiso vaṇṇo, kena te idha mijjhati; Uppajjanti ca te bhogā, ye keci manaso piyā. Pucchāmi taṁ devi mahānubhāve, Manussabhūtā kimakāsi puññaṁ; Kenāsi evaṁ jalitānubhāvā, Vaṇṇo ca te sabbadisā pabhāsatī”ti. Sā devatā attamanā, moggallānena pucchitā; Pañhaṁ puṭṭhā viyākāsi, yassa kammassidaṁ phalaṁ. “Ahaṁ manussesu manussabhūtā, Dāsī ahosiṁ parapessiyā kule. Upāsikā cakkhumato, gotamassa yasassino; Tassā me nikkamo āsi, sāsane tassa tādino. Kāmaṁ bhijjatuyaṁ kāyo, neva atthettha saṇṭhanaṁ; Sikkhāpadānaṁ pañcannaṁ, maggo sovatthiko sivo. Akaṇṭako agahano, uju sabbhi pavedito; Nikkamassa phalaṁ passa, yathidaṁ pāpuṇitthikā. Āmantanikā raññomhi, sakkassa vasavattino; Saṭṭhi tūriyasahassāni, paṭibodhaṁ karonti me. Ālambo gaggaro bhīmo, sādhuvādī ca saṁsayo; Pokkharo ca suphasso ca, viṇāmokkhā ca nāriyo. Nandā ceva sunandā ca, soṇadinnā sucimhitā; Alambusā missakesī ca, puṇḍarīkāti dāruṇī. Eṇīphassā suphassā ca, subhaddā muduvādinī; Etā caññā ca seyyāse, accharānaṁ pabodhikā. Tā maṁ kālenupāgantvā,…
阅读全文 » · 浏览全部佛典