《They Send Her Away》

CBETA SC-sn37.30

Saṁyutta Nikāya 37.30 3. Balavagga Nāsentisutta “Pañcimāni, bhikkhave, mātugāmassa balāni. Katamāni pañca? Rūpabalaṁ, bhogabalaṁ, ñātibalaṁ, puttabalaṁ, sīlabalaṁ. Rūpabalena ca, bhikkhave, mātugāmo samannāgato hoti, na ca sīlabalena, nāsenteva naṁ, kule na vāsenti. Rūpabalena ca, bhikkhave, mātugāmo samannāgato hoti, bhogabalena ca, na ca sīlabalena, nāsenteva naṁ, kule na vāsenti. Rūpabalena ca, bhikkhave, mātugāmo samannāgato hoti, bhogabalena ca, ñātibalena ca, na ca sīlabalena, nāsenteva naṁ, kule na vāsenti. Rūpabalena ca, bhikkhave, mātugāmo samannāgato hoti, bhogabalena ca, ñātibalena ca, puttabalena ca, na ca sīlabalena, nāsenteva naṁ, kule na vāsenti. Sīlabalena ca, bhikkhave, mātugāmo samannāgato hoti, na ca rūpabalena, vāsenteva naṁ, kule na nāsenti. Sīlabalena ca, bhikkhave, mātugāmo samannāgato hoti, na ca bhogabalena, vāsenteva naṁ, kule na nāsenti. Sīlabalena ca, bhikkhave, mātugāmo samannāgato hoti, na ca ñātibalena, vāsenteva naṁ, kule na nāsenti. Sīlabalena ca, bhikkhave, mātugāmo samannāgato hoti, na ca puttabalena, vāsenteva naṁ, kule na nāsenti. Imāni kho, bhikkhave, pañca mātugāmassa balānī”ti. Chaṭṭhaṁ.

阅读全文 » · 浏览全部佛典

佛津 FoJin — 全球佛教古籍数字资源聚合平台

佛津聚合全球 503 个佛教数字资源，覆盖 27 个国家和地区，涵盖汉传、藏传、南传、梵文等多种传统。

核心功能

典籍搜索 — 跨数据源检索佛教古籍，支持按经名、编号、译者查询
平行阅读 — 多版本逐段对照，一览异译
知识图谱 — 人物、寺院、宗派关系可视化
AI 问答 — 基于典籍原文的智能问答
学术标注 — 段落级批注与协作笔记
引用生成 — 一键导出学术引用格式

数据来源

所有数据均来自全球学术机构、图书馆、大学及佛教研究组织的公开数字资源，包括 CBETA、BDRC、SAT、SuttaCentral 等权威项目。数据定期同步更新，经过自动去重与校验。